विराटनगर – कोशीको सत्ता गठबन्धमा फर्किएसँगै नेपाली कांग्रेसको राजनीति पनि पहिलाको ठाउँमा नै आएको छ । कांग्रेसले कोशी प्रदेश संसदीय दलले दलका नेता उद्धव थापाको राजीनामा अस्वीकृत गर्ने निर्णय गरेसँगै कांग्रेस पहिलाको ठाउँमा नै आएको हो ।

सोमबार बसेको संसदीय दलको बैठकले कार्कीले दिएको राजीनामा अस्वीकृत गर्ने निर्णय गरेको थियोे । दलको निर्णयपछि थापा पुरानै जिम्मेवारीमा फर्किएको कांग्रेसले जनाएको छ ।

संसदीय दलको बैठकमा मुख्यमन्त्री केदार कार्कीले पनि थापालाई राजीनामा फिर्ता लिएर जिम्मेवारीमा फर्कन आग्रह गरेको बताइएको छ । दलको बैठकपछि थापाले आफू जिम्मेवारीमा फर्किएको बताएका छन् । राजनीति ट्याकमा आएका कारण सबै आफ्नो जिम्मेवारीमा फर्कने थापाको तर्क छ ।

बैठकले यसअघि राजीनामा दिएका उपनेता हिमाल कार्की र प्रमुख सचेतक भूपेन्द्र राईलाई पनि जिम्मेवारीमा फर्कन आग्रह गरेको छ । उनीहरू पनि जिम्मेवारी फर्कने कोशी कांग्रेसले जनाएको छ ।

कोशीमा संविधानको धारा १६८ को ५ अनुसार सरकार गठनको आह्वान पछि सत्ता गठबन्धनको निर्णय विपरित कांग्रेसका ८ सांसदले बिद्रोह गरेका थिए । गठबन्धनले प्रदेशको मुख्यमन्त्रीमा माओवादी केन्द्रका इन्द्रबहादुर आङ्बोलाई अघि सार्ने निर्णय गर्दा कांग्रेसका ८ सांसदसहित केदार कार्की एमालेको समर्थनमा मुख्यमन्त्री बनेका थिए ।

पार्टीको निर्णय कार्यान्वयन गर्न नसकेको भन्दै थापाले नैतिकताका आधारमा २८ असोजमा दलको नेताबाट राजीनामा दिएका थिए ।