काठमाडौँ- अवैध रूपमा बाह्य मुलुक लैजान लागेको ८ हजार २ सय ३० युरोसहित नेपाली मूलका डच नागरिक पक्राउ परेका छन् । पक्राउ पर्नेमा नेपाली मूलका डच नागरिक ३५ वर्षीय जोग गुरूङ रहेको प्रहरीले जनाएको छ ।
नेपाल एयरलाइन्सको उडानद्वारा काठमाडौंबाट दुबई हुँदै नेदरल्याण्ड्स जान लागेका उनलाई उक्त युरोसहित त्रिभुवन अन्तर्राष्ट्रिय उडान तर्फको प्रस्थान होल्ड ब्यागेज चेकिङ एरियाबाट प्रहरीले पक्राउ गरेको हो ।
उनको साथबाट युरो ५ सय दरको ४ थान, २ सय दरको ११ थान, १ सय दरको ३ थान, ५० दरको ७३ थान, २० दरको ३ थान र १० दरको २ थान बरामद भएको प्रहरीले जनाएको छ । यस सम्बन्धमा आवश्यक अनुसन्धान भइरहेको छ ।
प्रतिक्रिया