काठमाडौँ– नेपाली महिला क्रिकेट टिमको ब्याटिङ प्रशिक्षकमा भारतीय पूर्व क्रिकेटर देविका पाल्शिकर नियुक्त भएकी छिन् । नेपाल क्रिकेट संघ (क्यान(ले आइतबार बिहान यसबारे जानकारी दिएको हो ।

क्यानले आगामी अगस्ट र सेप्टेम्बरमा मलेसियामा हुने आईसीसी महिला विश्वकप टी–२० एसिया क्षेत्र छनोटका लागि देविकालाई ब्याटिङ प्रशिक्षकमा नियुक्त गरेको हो। नेपालले पहिलो पटक महिला क्रिकेट टिमका लागि महिला प्रशिक्षक ल्याएको हो । उनी काठमाडौं आइसकेकी छन् ।

नेपालले अगष्ट २८ देखि ९ सेप्टेम्बरसम्म छनोट खेल खेल्नेछ । प्रतियोगिताको समूह ‘ए’ मा आयोजक मलेसियासँगै नेपाल, बहराइन, भुटान, कतार र युएई छन् भने समूह ‘बी’ मा, चीन, हङकङ, कुवेत, थाइल्यान्ड र म्यानमार छन् ।