काठमाडौं- सत्तारुढ गठबन्धनको बैठकमा एनसेलको स्वामित्व खरिदबिक्री शंकास्पद भएको भन्दै छानबिन गर्ने सहमति भएको हो छ । प्रधानमन्त्री निवास बालुवाटारमा मंगलबार बेलुका बसेको गठबन्धनको बैठकमा एनसेलको खरिदबिक्री अस्वभाविक भएको भन्दै छानबिन गर्ने सहमति भएको हो ।

बैठकपछि नेपाली कांग्रेसका प्रमुख सचेतक रमेश लेखकले कानुन अनुसार सरकारी स्वीकृति लिएर कम्पनी खरिदबिक्री गर्नुपर्ने भएपनि त्यो नभएको कुरामा दलहरु एकमत भएको जानकारी दिए । बैठकले एनसेलको स्वामित्व खरिदबिक्री शंकास्पद रहेकाले सरकारले तत्काल छानबिन गर्नुपर्ने सहमती भएको उनले बताए ।

बैठकमा नेपाली कांग्रेसका सभापति शेरबहादुर देउवा, पूर्वप्रधानमन्त्री तथा एकीकृत समाजवादीका अध्यक्ष माधवकुमार नेपाल, उपप्रधान तथा गृहमन्त्री नारायणकाजी श्रेष्ठ, अर्थमन्त्री प्रकाशशरण महत, सञ्चार तथा सूचना प्रविधिमन्त्री रेखा शर्मालगायतको उपस्थिती थियो ।