संखुवासभा- संखुवासभाको सभापोखरी गाउँपालिकामा सञ्चालन भएको नि: शुल्क स्वास्थ्य शिविरमा एक हजार दुई सय बिरामीले सेवा लिएका छन्।

सभापोखरी गाउँपालिका सङ्खुवासभाको आयोजनामा र  सहयोगी सँस्था नेपाल नेत्र ज्योती संघ तेजरत्न आँखा अस्पतालको आयोजनामा नाक तथा कान रोग, पाठेघरको क्यान्सर, पाठेघर खसेको लगायत रोगका बिरामीहरूको उपचार गरिएको गाउँपालिका अध्यक्ष भीम बहादुर लिम्बुले जानकारी दिए। 

अध्यक्ष लिम्बुका अनुसार विशेष डाक्टरहरूद्वारा जनरल सेवा तथा मुटु रोग, मधुमेह, उच्च रक्तचाप साथै रगत सम्बन्धी विभिन्न नसर्ने रोगहरूको परिक्षण, दिशा, पिशाब, खकार सहित प्रयोगशाला सम्बन्धी सेवा सञ्चालन साथै सम्बन्धित समस्याको औषधि र ४० वर्ष माथिका उमेर समुहका आखाका बिरामीहरूलाई  चस्मा लगायत सम्पूर्ण उपलब्ध सेवाहरूको निःशुल्क रुपमा वितरण गरिएको बताए। 

धुपु स्वास्थ्य चौकी र बाह्रबिसे स्वास्थ्य चौकीमा भएको शिविरमा जम्मा  १ हजार २ सय  भन्दाबढी बिरामीहरूले सेवा लिएका थिए। स्वास्थ्यकर्मी तथा शिविरमा सहयोग गर्ने सहयोगहीरुलाई सम्मान तथा बिदाई गरिएको गाउँपालिका अध्यक्षको सचिवालयले जनाएको छ।