काठमाडौं- नेकपा एमालेका अध्यक्ष केपी शर्मा ओलीले प्रधानमन्त्री पुष्पकमल दाहाल (प्रचण्ड) ले कार्यकर्ताका नाममा पैसा बाँड्न खोजेको आरोप लगाएका छन् ।
बुधबार बाराको गढीमाईमा आयोजित कार्यक्रममा बोल्दै अध्यक्ष ओलीले प्रचण्डमाथि कार्यकर्तालाई पैसा बाँड्ने नाममा देशको ढुकुटी रित्याउने काम गरेको आरोप लगाए । प्रचण्डले क्यान्टोन्मेन्टको अरबौं रुपैयाँ कुम्ल्याएको ओलीको आरोप छ ।
अध्यक्ष ओलीले सरकारले आफूलाई सुरक्षित बनाउनका लागि संक्रमणकालीन न्यायको विषय फास्ट ट्र्याकबाट टुंग्याउन खोजेको बताए ।
उनले १८ वर्षसम्म टुंगो नलागेको विषय १८ दिनमा टुंगो लगाएर आफूलाई सुरक्षित गर्दै पीडितलाई पीडा दिने अभियानमा सरकार लागेको टिप्पणी गरे ।
प्रतिक्रिया