काठमाडौँ – तीनवटा रातो कार्ड देखाइएको खेलमा युभेन्ट्स र इन्टर मिलान बराबरीमा टुंगिएका छन् ।

कोपा इटालियाको सेमिफाइनलको पहिलो लेगमा भिडेका युभेन्टस र मिलान रातो कार्डका बाबजुद १–१ को बराबरी खेलेका छन् ।

पहिलो हाफमा गोलरहित भए पनि अत्यन्त रोचक भिडन्त देखिएको सो खेलको अन्तिम समय अर्थात् ८३औं मिनेटमा जुआन कोर्डाडोले गोल गर्दै युभेन्ट्सलाई १–० को अग्रता दिलाएका थिए तर इन्ज्युरी समयको थप गरिएको पाँचौ मिनेटमा लुकाकुले पेनाल्टीमा गोल गर्दै खेललाई १–१ गोलको बराबरीमा पुर्‍याएपछि खेल बराबरीमा टुंगियो ।

एलिएन्ज एरिना टोरिनोमा मंगलबार राति भएको सो खेलमा रेफ्रीले तीन खेलाडीलाई रातो कार्ड देखाए। इन्टरका कप्तान समिर हान्डानोभिक, युभेन्टसका लुकाकु र जुआन कोर्डाडोले रातो कार्ड पाएका हुन्।

गोललगत्तै समर्थकमाझ खराब व्यवहार गरेपछि रेफ्रीले लुकाकुलाई दोहोरो पहेँलो कार्डसँगै रातो कार्ड देखाउँदै मैदान बाहिर पठाएका थिए । खेल सकिएलगत्तै झगडा गर्न पुगेपछि युभेन्ट्सका अर्का खेलाडी कोर्डाडो पनि रातो कार्ड खानेमा परेका छन् । सोही झगडामा सामेल भए पछि मिलानका कप्तानलाई पनि रातो कार्ड दिइएको हो ।