काठमाडौँ – झापामा भएको सवारी दुर्घटनामा एक जनाको मृत्यु भएको छ भने एक जना घाइते भएका छन् ।
कमल गाउँपालिका ५ लवडाँडामा बुधबार राति प्रदेश १–०१–०१६ प २०९४ नम्बरको स्कुटर र मे २ प २१५७ नम्बरको मोटरसाइकल आपसमा ठोकिएर प्रदेश १–०१–०१५ प ७४८७ नम्बरको स्कुटरसम्म ठक्कर खाएको थियो।
घाइते भएका मोटरसाइकल चालक मोरङ मिक्लाजुङ गाउँपालिका ७ का ३८ वर्षीय नरेन्द्र सेलिङको उपचारको लागि अस्पताल लैजाँदै गर्दा बाटोमै मृत्यु भएको हो ।
घाइते भएका मोटरसाइकलमा पछाडि सवार झापाकै शिवसताक्षी नगरपालिका ९ का २४ वर्षीय मनोज लिम्बुको उपचार दमक स्थित लाइफलाइन अस्पतालमा भइरहेको छ ।
दुवै चालक र ३ वटै सवारी साधनलाई इलाका प्रहरी कार्यालय दमकले नियन्त्रणमा लिएको छ ।
प्रतिक्रिया