काठमाडौं – वैदेशिक रोजगारीका लागि पोर्चुगल पठाइदिने बहानामा ठगी गरेको आरोपमा प्रहरीले एक महिलालाई पक्राउ गरेको छ ।

काठमाडौं उपत्यका अपराध अनुसन्धान कार्यालयको टोलीले बाराको निजगढ घर भइ काठमाडौं तारकेश्वर बस्दै आएकी ४३ वर्षीया सुष्माकुमारी खड्कालाई पक्राउ गरेको हो ।

प्रहरीका अनुसार उनले राजु शाहीलाई वैदेशिक रोजगारीको लागि पोर्चुगल पठाईदिन्छु त्यसको लागि ११ लाख रुपैयाँ लाग्छ, पोर्चुगल पुगेपछि होटलमा वेटर काम लगाइदिन्छु, मासिक एक लाख २० हजार रुपैयाँ भन्दा धेरै तलव हुन्छ भनी विश्वास दिलाई प्रलोभनमा पारी ७ लाख ५० हजार रुपैयाँ रकम लिई सम्पर्कविहीन भएकी थिइन् ।

उनलाई थप अनुसन्धानका लागि वैदेशिक रोजगार विभाग ताहाचल पठाईएको प्रहरीले जनाएको छ ।