काठमाडौँ- नेकपा एमालेका उपमहासचिव विष्णु रिमाल आज भूकम्पको केन्द्रविन्दु रहेको जाजरकोट र प्रभावित जिल्ला रुकुम पश्चिम पुगेर त्यहाँको पार्टीपङ्तीलाई भूकम्प पीडितको राहत र सहयोगमा जुट्न निर्देशन दिएका छन् ।

उपमहासचिव रिमालले जाजरकोटमा भूकम्पले क्षति पुर्‍याएका घरहरूको निरीक्षण र स्थानीय जनप्रतिनिधिबाट जानकारी लिनुका साथै अस्पलातमा उपचार गराइरहेका घाइतेहरूलाई भेटी स्वास्थ्यलाभको कामना गरे ।

उनले जाजरकोट जिल्लास्थित पार्टी पङ्क्तीलाई भूकम्प प्रभावित जनतालाई राहत र सहयोग गर्नमा सम्पूर्ण ध्यान केन्द्रित गर्न निर्देशन दिएको उपमहासचिव नेतृत्वको टोलीमा रहेका केन्द्रीय सदस्य विष्णु रिजालले जानकारी दिए ।

यसैगरी, उपमहासचिव रिमालले पश्चिम रुकुमका पार्टीका नेता कार्यकर्तालाई भेटेर भूकम्पपीडितको सहयोगमा खट्न निर्देशन दिएक छन् ।