काठमाडौँ – महिला टी २० क्रिकेटको अन्तिम शृङ्खलाको खेलमा नेपालले टस जितेको छ।

नेपाल–मलेसिया बिच जारी महिला टी २० क्रिकेटको अन्तिम शृङ्खलाको खेलमा नेपालले टस जितेर फिल्डिङ रोजेको छ।

नेपाल–मलेसिया दुई खेलमा जीत र दुई खेलमा पराजय गरी बराबरी खेलेका दुवै टिमलाई आज जित्नै पर्ने दबाब छ। आजको खेल जारी शृङ्खलाको पाँचौँ तथा निर्णायक खेल हो।

पहिलो खेलमा ५ र चौथो खेलमा ४ विकेटले पराजित भए नेपालले दोस्रो र तेस्रो श्रृंखलामा भने विजय हासिल गरेको थियो। दोस्रो र तेस्रो श्रृंखलामा क्रमशः ७ विकेट तथा २७ रनले विजयी भएको नेपालले सिरिज जित्नका लागि मेहनत गरेको कप्तान रुबिना क्षेत्री बेल्वासेले जानकारी दिएकी छन्।

नेपालले आज विकेट किपर काजोल श्रेष्ठलाई बेन्चमा राखेर स्पिनर कृतिका मरासिनीलाई आजको निर्णायक खेलमा मौका दिएको छ। अन्य खेलाडी यथावत् रहेका छन्।