सुर्खेत– सुर्खेतको वीरेन्द्रनगरबाट प्रहरीले लागूऔषधसहित एक जनालाई पक्राउ गरेको छ । पक्राउ पर्नेमा दाङको तुल्सिपुर उप-महानगरपालिका ७ का १८ वर्षीय राजु रावत रहेका छन् ।
उनलाई सुर्खेत प्रहरीले वीरेन्द्रनगर नगरपालिका-६ नयाँ बसपार्कबाट पक्राउ गरेको हो ।
शंकास्पद तरिकाले हिँडिरहेको अवस्थामा शंका लागेपछि उनलाई नियन्त्रणमा लिइएको र चेकजाँचका क्रममा जुत्तामा मेघाश्रीको खोल्सो भित्र लागूऔषध लुकाई राखेको भेटिएको प्रहरीले जनाएको छ ।
उनको साथबाट २१० मिलि ग्रा.म लागूऔषध फेला पारिएको प्रहरीले जनाएको छ । उनीमाथि थप अनुसन्धान भइरहेको प्रहरीको भनाइ छ ।
प्रतिक्रिया