काठमाडौं– प्रथम चक्रबहादुर ठकुरी स्मृति जिल्लास्तरीय तेक्वान्दो प्रतियोगिता शुक्रबारदेखि हुने भएको छ । श्री सुन्दरी माइ तेक्वान्दो डोजाङ, नेपालको आयोजनामा यो प्रतियोगिता हुन लागेको हो । 

आयोजक डोजाङका प्रमुख एवं प्रतियोगिता संयोजक सुवासचन्द्र गौतमका अनुसार गोकर्णेश्वर नगरपालिकाको प्रायोजनमा हुने प्रतियोगितामा विभिन्न २० डोजाङका २ सय ६० पुरुष र २ सय महिला गरी जम्मा ४ सय ६० खेलाडीको सहभागिता रहने छ ।  सहभागी खेलाडीलाई दर्ता शुल्क नलाग्ने पनि उनले बताए।

प्रतियोगितामा गेरोगोरीमा २१ तथा पुम्से (एकल) मा २ गरी २३ स्वर्णका लागि प्रतिस्पर्धा हुनेछ । प्रतियोगिताका खेलहरू गोकर्णेश्वर नगरपालिका वडा १ को सुन्दरीजलस्थित ओख्रेनी माविमा हुनेछन् ।

गोकर्णेश्वर नगर खेलकुद विकास समिति तथा गोकर्णेश्वर नगर तेक्वान्दो विकास समितिको संयोजनमा हुन लागेको प्रतियोगिताको उत्कृष्ट पुरुषरमहिला खेलाडीलाई जनही ५ हजार रुपैयाँसहित ‘डोबोक’ प्रदान गरिने छ ।

दुईदिने प्रतियोगिता सञ्चालनका लागि करिब ५ लाख रुपैयाँ खर्च हुने आयोजकले जनाएको छ ।