श्रीनगर- पछिल्लो समय भारतको जम्मु कश्मीरमा पदयात्राका लागि आउने पर्यटकको सङ्ख्या बढ्दै जान थालेको छ । कश्मीर पर्वतारोहण र पदयात्राका लागि निकै आकर्षक गन्तव्य मानिन्छ ।

यही आकर्षक गन्तव्यमा पदयात्रा गर्न आउने पर्यटकको सङ्ख्या पछिल्ला केही वर्षयता बढ्न थालेको गुडमर्निङ कश्मीरले जनाएको छ ।

पछिल्लो केही वर्षमा शान्ति सुरक्षाको प्रत्याभूतिका कारण भारतका विभिन्न राज्यसँगै युरोप र अमेरिकी महादेशका मुलुकहरुबाट पनि पर्यटक आउन थालेका छन् ।

कश्मीर क्षेत्रमा पदयात्राका लागि पर्यटकको आगमन बढेसँगै यसअघि अन्य क्षेत्रमा काम गरिरहेका युवाहरु पनि पर्यटन, पर्वतारोहण, पथ प्रदर्शकजस्ता पेशामा आकर्षत हुन थालेका छन् ।

यसबाहेक युवाहरुले सामाजिक सञ्जालमार्फत पनि पर्यटकलाई आकर्षित गर्न थालेको गुडमर्निङ कश्मीरले जनाएको छ ।