काठमाडौँ – भारतका प्रधानमन्त्री नरेन्द्र मोदीले उडिसा रेल दुर्घटनाप्रति दुख व्यक्त गरेका छन्।
सामाजिक सञ्जालमार्फत उनले यो दुर्घटनाबाट आफू दुखी भएको बताउँदै रेल मन्त्री अश्विनी वैष्णवसँग पछिल्लो अवस्थाको बारेमा जानकारी लिएको बताएका छन्।
‘म ओडिशामा भएको रेल दुर्घटनाबाट दुखी छु। दुखको यस घडीमा शोक सन्तप्त परिवारसँग मेरो समवेदना छ। घाइतेहरूको शीघ्र स्वास्थ्य लाभको कामना।’ मोदीले लेखेका छन्।
Distressed by the train accident in Odisha. In this hour of grief, my thoughts are with the bereaved families. May the injured recover soon. Spoke to Railway Minister @AshwiniVaishnaw and took stock of the situation. Rescue ops are underway at the site of the mishap and all…
— Narendra Modi (@narendramodi) June 2, 2023
दुर्घटना स्थलमा उद्धार कार्य जारी रहेको र पीडितहरूलाई सम्भावित सबै सहयोग गरिने पनि उनले उल्लेख गरेका छन्।
यसअघि नै रेल मन्त्री वैष्णवले ओडिशा रेल दुर्घटनामा ज्यान गुमाएका प्रत्येक व्यक्तिको परिवारलाई १० लाख रुपैयाँ, गम्भीर घाइतेलाई २ लाख रुपैयाँ र सामान्य घाइतेलाई ५० हजार रुपैयाँ क्षतिपूर्ति दिने घोषणा गरिसकेका छन्।
ओडिशाका मुख्यमन्त्री नवीन पटनायकले रेल दुर्घटनापछि राज्य दिवस मनाउने कार्यक्रम रद्द गर्दै एक दिने राजकीय शोकको घोषणा गरेका छन्।
रेल दुर्घटनाको विषयमा पश्चिम बंगालकी मुख्यमन्त्री ममता बनर्जीले आज ओडिशाको भ्रमण गर्न लागेकी छन्।
प्रतिक्रिया