काठमाडौँ– पाकिस्तानको खैबर पख्तुनख्वामा सन् २०२२ मा १ सय भन्दा धेरैलाई मृत्युदण्डको सजाय सुनाइएको छ । पाकिस्तानबाट प्रकाशित हुने ऐन समाचार संस्थाले जनाएअनुसार यस प्रान्तको अदालतले १ सय जनाभन्दा धेरैलाई मृत्युदण्डको सजाय सुनाएको हो ।

यससँगै सजाय पाएर मृत्युदण्ड पर्खिरहेकाहरुको सङ्ख्या ४५० नाघेको ऐनले उल्लेख गरेको छ । पछिल्लो ४ वर्षमा यस प्रान्तमा कसैलाई पनि मृत्युदण्ड दिइएको छैन ।

आतंककारी गतिविधिमा संलग्न रहेको अभियोगका दोषीलाई पनि पछिल्लो ४ वर्षमा मृत्युदण्ड दिइएको छैन ।

खैबर पख्तुनख्वामा रहेको प्रतिआतंकवाद विभागसँग आतंककारी गतिविधिलाई निस्तेज गर्न जनशक्ति, स्रोत र क्षमता नरहेको टिप्पणी गरिन्छ ।

भारतीय समाचार संस्था एएनआईले जनाएअनुसार पाकिस्तानको पञ्जाब प्रान्तमा गतवर्ष ३ आतंककारी घटना भएकोमा खैबर पख्तुनख्वामा भने ३ सयभन्दा धेरै आतंककारी घटना भएका छन् ।