काठमाडौँ – कालीमाटी फलफूल तथा तरकारी बजार विकास समितिले आजको मूल्य सूची सार्वजनिक गरेको छ।

समितिले सार्वजनिक गरेको मूल्य सूचीअनुसार प्रतिकेजी ९ रुपैयाँ ६० पैसादेखि ४६५ रुपैयाँसम्मको तरकारी र फलफूल पाइनेछ।

सबैभन्दा सस्तो लोकल बन्दा प्रतिकेजी ९ रुपैयाँ ६० पैसा र सबैभन्दा महंगो सकोको खुर्सानी किलोको ४६५ रुपैयाँ कायम भएको छ।

किवि र आभोकाडो प्रतिकेजी ४५० रुपैयाँ, ठुलो गोलभेँडा (नेपाली) २७ रुपैयाँ ५० पैसा, ठुलो गोलभेँडा ४५ रुपैयाँ, सानो गोलभेँडा (लोकल) १८ रुपैयाँ ४० पैसामा कारोबार भइरहेको छ।

तोरीको साग र लाम्चो फर्सी ३५ रुपैयाँ, रातो आलु र मुडेको आलु ४१ रुपैयाँ, सुकेको प्याज (भारतीय) ५१ रुपैयाँ, गाजर (लोकल), हरियो लसुन र हरियो खुर्सानी ७५ रुपैयाँ, स्थानीय काउली ७६ रुपैयाँ, स्थानीय काउली (ज्यापु) ८५ रुपैयाँ, रातो मूला र तितो करेला ४५ रुपैयाँ तोकिएको छ।

त्यस्तै, तने बोडी ५५ रुपैयाँ, मटरकोशा १९० रुपैयाँ, टाटे सिमी १४६ रुपैयाँ ६७ पैसा, भटमासकोसा ११६ रुपैयाँ, परवर ८५ रुपैयाँ, घिरौँला ५६ रुपैयाँ, भिण्डी ६६ रुपैयाँमा किनबेच भइरहेको छ।

यसैगरी पालूगों, चमसूर, मेथीको साग, सौफको साग र पुदिना ९६ रुपैयाँ ६७ पैसा, कन्य च्याउ १४६ रुपैयाँ, डल्ले च्याउ २९४ रुपैयाँ, ब्रोकाउली ९५ रुपैयाँ चुकुन्दर, ग्याठ कोबी र गान्टे मूला ७६ रुपैयाँ ६७ पैसा कायम गरिएको छ।