लागूऔषध मुद्दाका फरार प्रतिवादी पक्राउ

१५ भदौ २०८०, शुक्रबार

पढ्न लाग्ने समय : < 1 मिनेट

सांकेतिक तस्बिर

कञ्चनपुर– कञ्चनपुरमा लागूऔषध मुद्दामा फरार रहेका एक जना पक्राउ परेका छन्।

जिल्लाको भीमदत्त नगरपालिका–५ सुकासालका ५१ वर्षीय लक्षी तिरुवालाई शुक्रवार प्रहरीले पक्राउ गरेको हो।

तिरुवालाई उनकै घरबाट पक्राउ गरेको हो। उनलाई अदालतले २०७९ बैशाख १३ गते लागू औषधको मुद्दामा तीन दिन कैद सजाय तोकेको थियो।

उनलाई पक्राउ गरी आवश्यक कारबाहीका लागि अदालतमा पेश गरिएको प्रहरीले जानकारी दिएको छ।

प्रकाशित मिति : १५ भदौ २०८०, शुक्रबार ६ : ३१ बजे

प्रतिक्रिया