काठमाडौँ– अवैतनिक वाणिज्यदूतहरूको संगठन (एचसीसीएन) ले आज वृक्ष रोपण गरेको छ ।
वातावरण संरक्षणको उद्देश्यले ललितपुरको महालक्ष्मी नगरपालिकाको लाकुरी भञ्ज्याङस्थित ‘द होटल टेरिस रिसोर्ट्स एण्ड स्पा’ परिसरमा वृक्ष रोपण गरिएको हो ।
एचसीसीएनका डीन दिनेश श्रेष्ठको नेतृत्वमा भएको वृक्षरोपणमा विभिन्न देशका वाणिज्य तथा महावाणिज्यदूतहरुको उपस्थिति थियो ।
कार्यक्रममा सुरेन्द्र शाक्य (मोनाको), आङ्छिरिङ शेर्पा (बेल्जियम) विनयमान श्रेष्ठ (कोलम्बिया), नरेश श्रेष्ठ (इरान)लगायतले विभिन्न प्रजातिका विरुवा रोपेका थिए ।
वृक्षरोपण कार्यक्रमको व्यवस्थापन कृषि मेसिनरी व्यवसायी संघका अध्यक्ष खोजराज कटुवालले गरेका थिए ।
प्रतिक्रिया