काठमाडौँ- पाकिस्तानमा अज्ञात बन्दुकधारीले आक्रमण गर्दा एक जना प्रहरीको मृत्यु भएको छ । पाकिस्तानको डेरा इस्माइल खाँ क्षेत्रमा अज्ञात बन्दुकधारीले आक्रमण गर्दा मोहम्मद अस्लम मारिएको पाकिस्तानबाट प्रकाशित हुने डन अखबारको अनलाइन संस्करणले जनाएको छ ।

उनी स्थानीय प्रभा प्रहरी चौकीमा कार्यरत रहेको र बेनजरी आय सहयोग कार्यक्रमको सुरक्षाका लागि जाने क्रममा उनको हत्या भएको जनाइएको छ । आक्रमणकारीले उनको साथमा रहेको बन्दुक पनि लुटेर लगेको डनले उल्लेख गरेको छ ।

आक्रमणपछि प्रहरीले आक्रमणकारीको खोजीकार्य तीव्र बनाएका छन् । उनको हत्याबारे प्रतिआतंकवाद विभागमा पनि उजुरी पेश गरिएको र घटनाबारे अनुसन्धान अघि बढाइएको छ ।

कर्तव्य पालनाका क्रममा मारिएका उनको प्रहरीले औपचारिक सम्मानका साथ अन्तिम संस्कार गरेको डनले उल्लेख गरेको छ ।