काठमाडौँ– समयमै निर्वाचनको मिति तोक्न माग गर्दै प्रमुख विपक्षी दल नेकपा एमालेको विद्यार्थी संगठन अनेरास्ववियुले प्रधानमन्त्रीको पुत्ला दहन गरेको छ ।

अनेरास्ववियुले सोमबार काठमाडौँको प्रदर्शनीमार्गस्थित आरआर क्याम्पस अगाडि प्रधानमन्त्रीको पुत्ला दहन गरेको हो । सो क्रममा प्रहरीले हस्तक्षेप गरेको थियो । तत्काल निर्वाचन मिति घोषणा गरी समयमै निष्पक्ष निर्वाचन गर्न अनेरास्ववियुले माग गरेको छ ।

भिडियो हेर्नुहोस्

निर्वाचनको मिति घोषणा गर्न माग गर्दै अनेरास्ववियुले माघ १८ गते प्रतिकात्मक रुपमा सरकारका मन्त्रीहरू सहभागि कार्यक्रममा कालोझण्डा देखाउने र माघ १९ गते संघीय राजधानी (काठमाडौँ) र प्रदेश राजधानीहरूमा कानूनविदहरुको उपस्थितिमा सडक बहस गर्ने कार्यक्रम सार्वजनिक गरेको छ ।