काठमाडौं – बागमती प्रदेशका सांसद युवराज दुलालले प्रधानमन्त्री शेरबहादुर देउवा एमसीसी जसरी भए पनि टेबल गर्नेपक्षमा रहेको बताएका छन्।

एमसीसीलाई संसद्मा फेल गर्ने सांसदको संख्या नभएको उनको भनाइ छ। संसदमा काँग्रेस, एमाले दुवै पक्षका संस्थापन समूह पास गर्ने पक्षमा रहेकाले पास हुने उनको तर्क छ।

‘प्रधानमन्त्री देउवा जसरी पनि एमसीसी टेबल गर्ने पक्षमा हुनुहुन्छ। संसदमा एमसीसी फेल गर्न पुग्ने सांसदको संख्या छैन’, सोमबार बिहान फेसबुकमा सांसद् दुलालले लेखेका छन्, ‘किनकी कांग्रेस र एमाले दुवैका संस्थापन पक्ष एमसीसी पास गर्ने पक्षमा छन्।’

माओवादी केन्द्रका बागमती प्रदेशसभा सदस्य दुलालले पास गरेपछि भने देशले महंगो मूल्य चुकाउनुपर्ने टिप्पणीसमेत गरेका छन्।

‘एमसीसी कसैलाई पास गरे पनि हुन्छ भन्ने लाग्ला, तर यो पास गरेको भोलिपल्टदेखि पास गर्नेले त पश्चाताप गरे पुग्ला तर नेपाल राष्ट्रले महंगो मूल्य चुकाउनु पर्नेछ’, उनले थप लेखेका छन्, ‘खवरदार !’