बेइजिङ – चीनको शीर्ष सुरक्षा एजेन्सीले सप्ताहान्तमा चिनियाँ सहरहरूमा कोभिड नियमहरूविरुद्ध दुर्लभ विरोध प्रदर्शनपछि ‘शत्रु शक्ति’माथि दमन गर्न आह्वान गरेको छ।

कुनै बेला प्रदर्शनकारीहरूले भरिने स्थानमा सुरक्षाकर्मीको भीड बढेको छ। चीनभर घरेलु कानुन प्रवर्तनको निरीक्षण गर्ने सत्तारुढ कम्युनिस्ट पार्टीको केन्द्रीय राजनीतिक र कानुनी मामिला आयोगले कानुन बमोजिम ‘शत्रु शक्तिहरूद्वारा घुसपैठ र तोडफोड गर्ने गतिविधि रोक्न आवश्यक’ रहेको जनाएको छ।

कोभिडविरुद्ध कडा कदम चाल्न माग गर्दै सप्ताहान्तमा सयौँ प्रदर्शनकारी सडकमा उत्रिएका थिए। उनीहरूले चीनका राष्ट्रपति सी जिनपिङको राजीनामा समेत मागेका थिए।

देशका स्वास्थ्य अधिकारीहरूले तालाबन्दी लगाइनुपर्ने बताएका छन्। चीनमा पछिल्ला दिनमा ठूलो संख्यामा कोभिड संक्रमित देखिएका छन्। पछिल्लो समयमा यहाँ दैनिक संक्रमितको संख्या ४० हजार नाघेको छ।