काठमाडौं – आईसीसी टी – ट्वान्टी विश्वकप क्रिकेटमा दक्षिण अफ्रीकाले जित निकालेको छ । आइतबार अष्ट्रेलियाको पर्थमा भएको खेलमा दक्षिण अफ्रीकाले भारतलाई ५ विकेटले हराएको हो ।

भारतले दिएको १ सय ३४ रनको लक्ष्य दक्षिण अफ्रीकाले १९ ओभर ४ बलमा ५ विकेट गुमाएर पूरा गर्यो ।दक्षिण अफ्रीकाका लागि अर्धशतक बनाएका डेभिड मिलरले अविजित रहदै ५६ रनको योगदान दिए ।एडिन मार्क्रमले ५२ तथा कप्तान टेम्बा बाभुमा १० रनमा आउट भए ।

भारतको बलिङमा अर्सदिपसिंहले दुई विकेट लिए । मोहमद शामी हार्दिक पाण्ड्या र रविचन्द्रन आश्विनले समान एक विकेट लिए । त्यसअघि पहिले ब्याटिङ गरेको भारतले २० ओभरमा ९ विकेट गुमाएर १ सय ३३ रन जोडेको थियो ।

भारतका लागि सूर्यकुमार यादबले ६८ रनको अर्धशतकीय इनीङ खेले ।कप्तान रोहित शर्माले १५ तथा विराट कोहलीले १२ रन बनाए ।

दक्षिण अफ्रीकाका लुंगी एनजिडीले ४ विकेट लिए । वाएन प्रनिलले ३ विकेट लिए ।जितसँगै दक्षिण अफ्रीका समूह २ को शीर्ष स्थानमा उक्लिएको छ ।