काठमाडौँ– स्वास्थ्यमन्त्री भवानी प्रसाद खापुङले गाउँ  क्षेत्रमा डाक्टर र नर्स पठाउन समस्या भएको बताएका छन् ।

नेपाल स्वास्थ्य प्राविधिक संघको ४४ औं स्थापना दिवसका अवसरमा बिहीबार काठमाडौंमा आयोजित कार्यक्रममा मन्त्री खापुङले विभिन्न जिल्लाबाट डाक्टर र नर्स पठाउनुपर्ने भन्दै गुनासो आएको तर कोही जान तयार नरहेको बताएका हुन् । डाक्टर र नर्स जान नमानेका कारण नै केही जिल्लामा चिकित्सकको अभाव भएको उनको भनाई छ । उनले सरकारले पठाएको जुनसुकै स्थानमा पनि जानका लागि चिकित्सकहरूले मानसिकता बनाउनुपर्ने धारणा राखे । मन्त्र खापुङले समायोजनका विषयमा पनि कर्मचारीहरूबाट अनेक समस्या आएको उल्लेख गरे  ।

कार्यक्रममा संघले बिभिन्न व्यक्तिहरूलाई सम्मान गरेको थियो ।