काठमाडौँ- रुसी राष्ट्रपति भ्लादिमिर पुटिन अझै पनि युक्रेन अतिक्रमण गर्नुपर्ने योजनामा रहेको अमेरिकी खुफिया एजेन्सीको विश्वास रहेको छ । मस्कोका सेनाहरू युद्धका कारण कमजोर भए पनि बिस्तारै क्षेत्र अतिक्रमण गर्ने क्षमता भएको अमेरिकी अधिकारीको मूल्याङ्कनले देखाएको हो ।

यसको मतलब युद्ध लम्बिन सक्ने राष्ट्रिय खुफिया एजेन्सीका निर्देशक एभ्रिल हेन्सले जानकारी दिइन् । गत मार्च महिनामा मस्कोका सेनाहरूले कीभ र अन्य शहरहरू अतिक्रमण गर्न असक्षम भएसँगै युक्रेनको डोनबासलाई कब्जा गर्नेतर्फ ध्यान केन्द्रित गरेका थिए ।

सुरुवाती दिनमा विवाद चर्किदा युक्रेनको अधिकांश भूभाग कब्जा गर्ने पुटिनको सो लक्ष्य यथावत् नै भएको हेन्सले बताइन् । सो लक्ष्य पुरा गर्न भने सजिलो नभएको तथा करिब असम्भव नै रहेको हेन्सको बुझाइ छ ।

हामीले पुटिनको निकट भविष्यमा भएको सैन्य उद्देश्य र सैन्य क्षमता बिच अन्तर पायौँ तथा उनको लक्ष्य र सैन्य क्षमतामा तालमेल देखिँदैन ।’, उनले यूएस कमर्स विभागीय सम्मेलनमा जानकारी दिए।

रुसले युक्रेनका सेभेरोडोनेत्स्कलगायत विभिन्न क्षेत्रलाई अतिक्रमण गरेको छ । तर, युक्रेनी सेनाले सशक्त रुपमा प्रतिरोध जारी राख्दा अतिक्रमणको गति भने विस्तार भएको छ ।