काठमाडौँ – शहीद स्मारक सी डिभिजन लिगमा प्लानिङ ब्वाईज युनाईटेडले ९औँ जित निकालेको छ ।

ललितपुरको सातदोबाटोस्थित एन्फा कम्प्लेक्समा सोमबार बिहान भएको खेलमा प्लानिङले समाज कल्याण केन्द्रलाई ४–० गोलअन्तरले पराजित गरेको हो ।

प्लानिङको जितमा फागु राम थारूले २ र अर्जुन कुमार रानाले १ गोल गरे । फागु रामले खेलको १८औँ मिनेटमा गोल गर्दै प्लानिङलाई अग्रता दिलाए । खेलको ४२ औँ मिनेटमा फागु रामले दोस्रो गोल गर्दै प्लानिङको अग्रतालाई दोब्बर बनाए ।

खेलको ६८ औँ मिनेटमा समाज कल्याणले भोगेको आत्मघाती गोलका कारण प्लानिङको खातामा १ गोल थपियो । खेलको ८१ औँ मिनेटमा अर्जुन कुमारले प्लानिङको लागि चौथो गोल गरे । प्लानिङका लोकेश चौधरी  म्यान अफ द म्याच’ घोषित भए ।

झापा फुटबल क्लब र वीरगंज युथ एकेडेमी दिउँसो पौने १ बजे आमने-सामने हुनेछन् । झापा १० औँ जितको खोजीमा छ भने वीरगंज दोस्रो जित निकाल्न चाहन्छ । २८ अंकसहित झापा तालिकाको दोस्रो स्थानमा छ भने ५ अंकसहित वीरगंज १३ औँ स्थानमा छ ।

स्वयम्भू क्लब र सानेपा क्लब भने दिउँसो ४ बजे भिड्नेछन् । स्वयम्भू तेस्रो जितको खोजीमा छ भने सानेपा छैंटौँ जित निकाल्न चाहन्छ । ९ अंकसहित स्वयम्भू १२ औँ स्थानमा छ भने १७ अंकसहित सानेपा छैंटौँ स्थानमा छ ।