काठमाडौँ– भारतका लागि नेपाली राजदूत शंकर शर्माले भारतीय गृहमन्त्री अमित शाहसँग भेटवार्ता गरेका छन् । सोमबार नयाँदिल्लीस्थित भारतीय गृह मन्त्रालय पुगेर राजदूत शर्माले भेट गृहमन्त्री शाहसँग गरेका हुन् ।
भेटमा द्विपक्षीय सम्बन्धबारे छलफल भएको बताइएको छ । साथै भारत सरकारको सहयोगमा सञ्चालनमा रहेका परियोजनाहरूको प्रगति र नेपाल–भारत मामिलाका विषयमा समेत छलफल भएको दूतावासले जनाएको छ ।
गत वैशाख २८ गते राजदूत शर्माले तत्कालीन भारतीय राष्ट्रपति रामनाथ कोविन्दसामु ओहदाको प्रमाणपत्र बुझाएका थिए । राजदूत शर्माले त्यसयता भारत सरकारका विभिन्न मन्त्रीहरूसँग लगातार भेट गरेका छन् ।
प्रतिक्रिया