काठमाडौँ- अभिनेत्री साम्राज्ञी राज्यलक्ष्मी शाह मिलन चाम्सले निर्देशन गर्ने फिल्म ‘वर एण्ड वधु’ मा भित्रिएकी छन् । यसअघि आँचल शर्मा र विवेक कर्माचार्य अनुबन्धित भइसकेको फिल्ममा साम्राज्ञीलाई केही दिन अगाडि मात्र अनुबन्धित गरिएको निर्देशक चाम्सले बताए । 

चाम्सकै एक अनटाइटल फिल्ममा समेत साम्राज्ञी यसअघि नै अनुबन्धित भइसकेकी छन् । ‘सम्राज्ञीको पपुल्यारिटीलाई बुझेर नै हामीले फिल्ममा भूमिका दिएका छौँ । अहिले उनको भूमिकाको बारेमा धेरै खुलाउन मिल्दैन’ निर्देशक चाम्सले भने । 

उनले सम्राज्ञीलाई भूमिका मन परेकै कारण फिल्म गरेको बताएका छन् । राम-कम जनरमा निर्माण हुने फिल्ममा प्रदीप भारद्वाजको लेख्न रहेको छ । एलआर के इन्टरटेन्मेन्टको ब्यानरमा बन्ने फिल्ममा हिमेश पन्त, किरण केसी, विजय लामा समेत अनुबन्धित भइसकेका छन् ।

 वैशाख ३० गते हुने स्थानीय चुनावपछि फ्लोरमा लैजाने तयारीमा निर्देशक चाम्स छन् । चाम्स निर्देशित ‘गोर्खा वारियर २’ निर्माणाधीन छ ।