काठमाडौँ– पाकिस्तानले रुसी आक्रमणको सामना गरिरहेको युक्रेनलाई हतियार आपूर्ति गर्ने योजना बनाइरहेको खुलेको छ ।
भारतीय आर्थिक अनलाइन इकोनोमिक टाइम्सले जनाएअनुसार पाकिस्तानले युक्रेनसँग सीमा जोडिएको पूर्वी युरोपेली मुलुकमार्फत् हतियारको आपूर्ति गर्ने योजना बनाएको हो ।
पाकिस्तानले उक्त पूर्वी युरोपेली मुलुकमार्फत् युक्रेनलाई गोलीगठ्ठा, तोपखाना प्रणाली, रकेट लन्चर आपूर्ति गर्ने तयारीमा रहेको इकोनोमिक टाइम्सले उल्लेख गरेको छ ।
पाकिस्तानको कराँची बन्दरगाहबाट उक्त पूर्वी युरोपेली मुलुकतर्फ हातहतियारको निकासी गर्ने तयारी छ । पाकिस्तानले यसै वर्षको सुरुमा बेलायतका तर्फबाट युक्रेनलाई हतियार निकासी गर्न महत्वपूर्ण भूमिका खेलेको थियो ।
प्रतिक्रिया