काठमाडौं – मार्कोस रसफोर्ड चम्किदा म्यानचेस्टर युनाइटेडले इंग्लिस प्रिमियर लिग फुटबलमा नटिङ्घम फोरेस्टलाई ३–० अन्तरले पराजित गरेको हो।

मंगलबार राति भएको खेलमा रसफोर्डले एक गोल र एक असिस्ट प्रदान गरेका थिए। युनाइटेडको जितमा रसफोर्डसँगै एन्थोनी मार्टिअल र फ्रेडले समान एक एक गोल गरे।

खेलको १९औं मिनेटमा रसफोर्डले क्रिस्टियन एरिक्सनको पासमा गोल गरे। रसफोर्डको पासमा मार्टिअलले २२औं मिनेटमा २–० को अग्रता बनाए। दोस्रो हाफमा घरेलु टोली युनाइटेडले एक गोल थप्यो।

कासेमेरोको पासमा फ्रेडले तेस्रो गोल गरे। जितसँगै एरिक टेन हागको प्रशिक्षणमा रहेको म्यानचेस्टर युनाइटेड १५ खेलबाट २९ अंक सहित पाँचौ स्थानमा छ। पराजित फोरेस्ट १३ अंक सहित रेलिगेशन क्षेत्रमा छ।