काठमाडौँ– १३ वर्षे बालकको अपहरण भएको भन्दै पाकिस्तानमा प्रदर्शनको आयोजना गरिएको छ । बालकको अपहरणको विरोधमा पाकिस्तानको सिन्ध प्रान्तस्थित ज्याकोबावाद सहरमा प्रदर्शको आयोजना गरिएको हो ।
प्रदर्शनकारीले अपहरित बालकलाई तत्काल उद्धार गर्न प्रशासनसमक्ष माग गरेका छन् ।
ती बालकलाई नजिकै रहेको रमजानपुर सहरबाट अपहरण गरिएको पाकिस्तानबाट प्रकाशित हुने डन अखबारको अनलाइन संस्करणले जनाएको छ ।
अपहरित बालकको उद्धार गर्नमा प्रहरी असक्षम भएको प्रदर्शनकारीको आरोप छ ।
पाकिस्तानमा आपराधिक घटनामा वृद्धि हुँदै गएको समाचार सार्वजनिक भइरहँदा अपहरणविरुद्ध प्रदर्शनको आयोजना गरिएको हो ।
प्रतिक्रिया