काठमाडौँ : इंग्ल्याण्डलाई एकदिवसीय विश्वकप जिताएका कप्तान इयोन मोर्गनले सन्यासको घोषणा गरेका छन् । ३५ वर्षीय मोर्गनले मंगलबार अन्तर्राष्ट्रिय क्रिकेटबाट सन्यासको घोषणा गरेका हुन् ।

उनी इंग्ल्याण्डको एकदिवसीय र टी–ट्वान्टी क्रिकेट टिमका कप्तान हुन् । र, इंग्लिस क्रिकेटको ह्वाइट बलको कप्तानीमा उनी अहिलेसम्मकै सफल हुन् । किनकी उनले पहिलोपटक इंग्ल्याण्डलाई विश्वकप जिताए । यद्यपी सो विश्वकप उपाधिको वास्तविक हकदार भने बेन स्टोक्स हुन् ।

टी–ट्वान्टी विश्वकप नजिकै आएका बेला उनको सन्यासलाई महत्वका साथ हेरिएको छ । यसलाई कतिपयले टेस्ट कप्तानी सम्हालेका बेन स्टोक्सलाई ह्वाइट बल क्रिकेटको कप्तानी गर्ने बेला भएको भनेर पनि अथ्र्याएका छन् ।

मोर्गनको कप्तानीमा इंग्ल्याण्डले सन् २०१९ को एकदिवसीय विश्वकप जितेको थियो ।