काठमाडौँ– अभिनेत्री ऋचा शर्मा स्टारर फिल्म ‘कौसीद’ ले जेठ २७ मा प्रदर्शन मिति घोषणा गरेता पनि रिलिज नगर्ने भएको छ । 

अन्तर्राष्ट्रिय बजारमा रिलिज गरेपछि मात्र अब नेपालमा रिलिज गर्ने योजना अनुरूप रिलिज स्थगित गरिएको निर्माण पक्षले जनाएको छ । अभिनेत्री तथा निर्मात्री ऋचा शर्माको अनुसार फिल्म नेपालमा आउँदो मङ्सिरमा मात्र रिलिज हुने सम्भावना छ । वित्तिय ऋणको प्रभावमा परेको परिवारको कथा बोल्ने फिल्मको केन्द्रीय द्वन्द्व पैसाकै वरिपरि घुमेको जनाइएको छ । कुमार भास्करको निर्देशनमा बनेको फिल्ममा ऋचासँगै भोलाराज सापकोटा, रूपेश दाहाल, परीक्षित विक्रम राणा, सदीक्षा गौतम, निर्भिक भट्टराई र सागर भट्टराई मुख्य भूमिकामा छन् ।

केदार भुसालको निर्माणमा तयार भएको यो फिल्मको कार्यकारी निर्मातामा दिमेश श्रेष्ठ तथा सह–निर्मातामा लक्ष्मण बानियाँ रहेका छन्। फिल्मको कथा लेखन नव विजय प्रकाश श्रेष्ठ र धिर्जन थपलियाले गरेका छन् । 

निसाल पौडेलले छायांकन गरेको फिल्ममा मित्र डि. गुरुङ र भिम विश्वकर्माको सम्पादन रहेको छ । बड पिक्चर्सको ब्यानरमा फिल्म ‘कौसीद’ निर्माण भएको हो । यो फिल्मको कोरोना महामारीको बीच निर्माण सम्पन्न भएको थियो ।