काठमाडौँ – चीनको सिन्जियाङ ‘उइगर स्वायत्त क्षेत्र’मा विदेशी कम्पनीहरूले जबरजस्ती श्रमबाट उत्पादन गरेका सामग्री आयात गर्न अमेरिकाले निषेध गरेको छ। अमेरिकी कानूनले सिन्जियाङका उत्पादनमा निषेध गरेपछि बेइजिङ आक्रोशित बनेको चिनियाँ सञ्‍चारमाध्यमहरूले रिपोर्ट गरेका छन्।

अमेरिकी राष्ट्रपति जो बाइडेनले २३ डिसेम्बर २०२१ मा हस्ताक्षर गरेको ‘उइघुर जबरजस्ती श्रम रोकथाम’ ऐनमा सिन्जियाङबाट आयातमा प्रतिबन्ध लगाउँदै यस क्षेत्रमा जबरजस्ती श्रमका लागि जिम्मेवार विदेशी व्यक्तिहरूलाई पनि प्रतिबन्ध लगाइएको हङकङ पोस्टले रिपोर्ट गरेको छ।

यूएफएलपीएले सिनजियाङ वा श्रम शोषणका लागि तस्करीमा परेका उइगरहरूसँग कुनै पनि लिंक भएको उत्पादन जबरजस्ती श्रममा बनाइएको मानिने जनाइएको छ। तसर्थ, सिन्जियाङमा आंशिक रूपमा निर्मित सबै वस्तुहरूलाई जबरजस्ती श्रमको उत्पादन मानिने र जसको परिणामस्वरूप अमेरिकी बन्दरगाहहरूमा यसको प्रवेश निषेध गरिएको छ।

यस्तो कार्य अन्तर्गत आयात गरिएको उत्पादन जबरजस्ती श्रमको परिणाम होइन भन्‍ने कुराले आयातकर्ताले स्पष्ट प्रमाण पेश गर्नुपर्नेछ।

यस्तो अवस्थामा चीनबाट सामान सोर्स गर्ने कम्पनीहरूले आफ्नो कच्चा पदार्थबाट आयातित कुनै पनि उत्पादन चीनमा जबर्जस्ती श्रममा नबनाइएको सुनिश्चित गर्नका लागि आफ्नो आपूर्ति शृङ्खलाको समीक्षा गर्नुपर्ने बताइएको छ।

उइघुर मुस्लिमहरूलाई सामूहिक हिरासत शिविरमा पठाएर, तिनीहरूको धार्मिक गतिविधिहरूमा हस्तक्षेप गरेर, र समुदायका सदस्यहरूलाई जबरजस्ती पुन: शिक्षा वा शिक्षाको कुनै न कुनै रूपबाट गुज्रिन चीनलाई विश्वव्यापी रूपमा निन्दा गरिएको छ।

अमेरिकी सांसदहरूले चीनले करिब १८ लाख उइगर, कजाक, किर्गिज र अन्य मुस्लिम अल्पसंख्यक समूहका सदस्यहरूलाई गैरन्यायिक सामूहिक नजरबन्द शिविरमा कैद गरेको आरोप लगाएका छन्। जहाँ उनीहरूलाई कपडा, इलेक्ट्रोनिक्स, खाद्य पदार्थ, जुत्ता, चिया उत्पादन गर्न बाध्य पारिएको छ। अर्कोतर्फ, बेइजिङले सिनजियाङमा दुर्व्यवहारमा संलग्न भएको आरोपलाई बारम्बार अस्वीकार गर्दै आएको छ।