विराटनगर– पछिल्लो २४ घण्टाको अवधिमा प्रदेश–१ मा सबैभन्दा बढी मोरङमा १७६ जनामा कोरोना संक्रमण पुष्टि भएको छ ।

सो अवधिमा सुनसरीमा ८७, झापामा ६६, उदयपुरमा १५, इलाम र धनकुटामा छ÷छ, भोजपुरमा दुई, ताप्लेजुङ, संखुवासभा र खोटाङमा एक÷एक र प्रदेश बाहिरका २२ मा संक्रमण भएको सामाजिक विकास मन्त्रालयले जनाएको छ । ८४१ को पीसीआर परीक्षण गर्दा ३८३ र ८१० को एन्टिजेन परीक्षण गर्दा ३१० मा कोरोना संक्रमण देखिएको हो ।

स्थानीय पालिकाका अनुसार सबैभन्दा बढी मोरङको विराटनगरमा १३५, सुनसरीको धरानमा ३७, इटहरीमा ३२, झापाको विर्तामोड र दमकमा १३÷१३ सहित अन्य पालिकामा संक्रमण देखिएको मन्त्रालयले जनाएको छ ।

उक्त प्रदेशमा आजै १५१ महिलासहित ३२९ जना कोरोना संक्रमणमुक्त भएका छन् भने दुई महिलाको मृत्यु भएको छ । प्रदेशमा अझै सात हजार ४१६ सक्रिय संक्रमित रहेका मन्त्रालयले जनाएको छ ।