काठमाडौं– एसिया कप २०२२ क्रिकेटमा अफगानिस्तानले विजयी सुरुआत गरेको छ। दुबई इन्टरनेशनल क्रिकेट स्टेडियममा शनिबार भएको उद्घाटन खेलमा ५ पटकको च्याम्पियन श्रीलंकालाई ८ विकेटले हराउँदै अफगानिस्तानले सुखद् सुरुआत गरेको हो।
श्रीलंकाले दिएको १०६ रनको लक्ष्य अफगानिस्तानले १० ओभर १ बलमा मात्र २ विकेट गुमाएर पूरा गर्यो।
अफगानिस्तान लागि रहमानउल्लाह गुर्बाजले सर्वाधिक ४० रन बनाए। उनले १८ बलमा ३ चौका र ४ छक्का प्रहार गरे। श्रीलंकाका वानिन्दु हसरंगा डी सिल्भाले १ विकेट लिए।
यसअघि टस हारेर पहिला ब्याटिङको निम्तो पाएको श्रीलंका १९.४ ओभरमा १०५ रन जोड्दै अल आउट भएको थियो ।
प्रतिक्रिया