काठमाडौँ- निवर्तमान श्रम, रोजगार तथा सामाजिक सुरक्षा मन्त्री किसान श्रेष्ठले आफ्नो कार्यकाल सफल भएको बताएका छन्।
सोमबार बिहान मन्त्रालयले आयोजना गरेको बिदाइ कार्यक्रममा श्रेष्ठले काम गर्ने सिलसिलामा ८ महिना २१ दिन सफलताका साथ सम्पन्न गरेको बताए।
आफ्नो कार्यकालमा केही युगान्तकारी कदम चालेको दाबी गरेका श्रेष्ठले ९ पेज लामो विज्ञप्तिमार्फत आफूले गरेका काम उल्लेख गरेका छन् ।
उनले श्रम क्षेत्रमा भएका विकृतिलाई धेरै हदसम्म अन्त्य गरिएको जिकिर गरे। उनले आफूलाई मन्त्रालयका सबैले सहयोग गरेको भन्दै नयाँ मन्त्रीलाई पनि सहयोग गर्न आग्रह गरे।
उनले एक्सनमा जाँदा चर्को स्वरले चित्त दुखेको भए भुल्न पनि आग्रह गरे।
प्रतिक्रिया