काठमाडौँ– हलिउडको लोकप्रिय फिल्मको लिस्टमा अगाडि आउने नाम हो  ‘अवतार’ । 

यस फिल्मले गरेको कमाइ आफैँमा रेकर्ड बन्यो । फिल्मले बक्स अफिसमा गरेको कमाइ त प्रशंसा योग्य भयो नै यसको विषयवस्तुले पनि उत्तिकै चर्चा पायो । सन् २००९ को डिसेम्बरमा रिलिज भएको फिल्मले २.८ बिलियन बराबरको ब्यापार गरेर रेकर्ड बनाएको थियो ।

पछिल्लो समय हलिउड फिल्म र विशेषगरी सुपर हिरोको विषयमा बनेका फिल्महरु दर्शकको रोजाईमा पर्ने गरेको देखेपछि अवतार निर्माण कम्पनि डिज्नीले पनि महत्वपूर्ण केही फिल्मको निर्माण घोषणा गरेको थियो । घोषित फिल्मको लिस्टमा प्रतीक्षित फिल्म ’अवतार’ को मात्र ४ सिरिज छन् ।

कोरोना भाइरसको महामारीका कारण रिलिजमा ढिलाई भएको फिल्म ’अवतार २’ का सिरिजहरुलाई दर्शकले लगातार हेर्न पाउने छन् । सन् २००९ मा हेरिएको अवतारको सिक्वेल सन् २०२२ को डिसेम्बर १६ मा हेर्न पाउने छन् । जेस्म क्यामरुनकै निर्देशनमा बन्ने यो फिल्म हलिउड प्रेमी दर्शकका लागि प्रतीक्षित छ । विशेष त अवतारमै उठान गरेको विषयका कारण निर्देशक क्यामरुनले चर्चा पाएका थिए । 

प्रदर्शकहरूको व्यापार मेला मानिने सिनेमांकन समारोहमा निर्माण कम्पनि डिज्नेले यसको केही झल्क देखाउन सक्ने बताइएको छ । फिल्म यसैवर्ष रिलिज हुने भएकाले पनि विस्तारै दर्शक माझ प्रचारप्रसार गर्ने तयारीमा डिज्नी रहेको द हिन्दुमा उल्लेख छ । पत्रिकाको रिपोर्ट अनुसार आज सिनेमांकनमा दर्शकले प्रतीक्षित फिल्मको केही झल्क हेर्नेछन् । 

यस्तै, अवतारको तेस्रो सिरिजलाई सन् २०२४ को डिसेम्बर २० मा रिलिज गर्ने घोषणा निर्माण कम्पनीले गरेको छ । 

सन् २००९ देखि सन् २०२२ सम्म सिक्वेल हेर्न पर्खिएका दर्शकले अब भने यसको अन्य सिरिजहरु २ वर्षको अन्तरालमा हेर्न पाउने घोषणा निर्माण कम्पनीले गरेको छ ।