मुम्बई(अमर उजाला)–प्रख्यात कथकली नृत्यांगना मिलिना साल्विनीको गत मंगलबार निधन भएको छ । फ्रान्समा रहेको भारतीय दुतावासले एक ट्वीट गर्दै यो कुराको जानकारी दिएको हो ।

इटलीमा जन्मिएकी साल्विनी नियमित रुपमा भारतको केरल आउने गर्थिइन् । केरलमा उनले कथकली सिकिन् र पेरिसमा भारतीय नृत्य शैलीका लागि एक स्कुल ‘सेन्टर मण्डप’ चलाइन् । भारत सरकारले अभिनय कला क्षेत्रमा उनको योगदानका लागि सन् २०१९ मा ‘पद्मश्री पुरस्कार’बाट सम्मान गरेको थियो ।

भारतीय प्रधानमन्त्री नरेन्द्र मोदीले बुधबार उनीप्रति श्रद्धाञ्जली दिएका छन् । ‘सुश्री मिलिना साल्विनीलाई भारतीय संस्कृति प्रति उनको लगावका लागि चिनिनेछन । उनले पुरा फ्रान्समा कथकलीलाई लोकप्रिय बनाउनका लागि कैयौं प्रयास गरिन् । म उनको निधनमा दुःखी छु । मेरो समवेदना उनको परिवार र शुभचिन्तक प्रति छ । उनको आत्माले शान्ति पाओस्’, मोदीले ट्वीट गरेका छन् ।

साल्विनीले सन् १९६२ मा दुई वर्षको छात्रवृत्ति प्राप्त गरेपछि केरल कलामण्डलममा कथकली सिकेकी थिइन् । त्यसपछि उनले पेरिसमा नृत्य विद्यालय खोलिन् ।