आज २०७९ साल असोज १० गते सोमबार। सन् २०२२ को सेप्टेम्बर २६ तारिख। आजको दिन इतिहासमा भएका विभिन्न घटनाक्रम मध्ये केही घटनाक्रम यस्ता छन्।

– सन् २००८ सेप्टेम्बर २६ मा स्वीस डेयरडेभिल, पाइलट र अविष्कारक इभ रसी जेट-पावर्ड विङको सहायताले इङ्लिश च्यानल पार गर्ने पहिलो व्यक्ति बनेका थिए।
– सन् १९९७ सेप्टेम्बर २६ मा इटालीमा दुई वटा भूकम्प जाँदा सेन्ट फ्रान्सिसको बासिलिको भागहरु पतन भएको थियो।

– सन् १९५९ सेप्टेम्बर २६ मा जापानमा भेरा नामक अाँधी जाँदा पाँच हजार मानिसको मृत्यु हुनुको साथै वर्षा र पहिरोले क्षति पु¥याएको थियो।

– सन् १९४३ सेप्टेम्बर २६ मा अष्ट्रेलियाली क्रिकेटर इयान चैपलको जन्म भएको थियो। उनले सन् १९७१ देखि सन् १९७५ सम्म अष्ट्रेलियाली क्रिकेट टोलीको कप्तानको जिम्मेवारी निर्वाह गरेका थिए।
– सन् १९१७ सेप्टेम्बर २६ मा ‘पोलिगन वूड’को युद्ध सुरु भएको थियो। बेल्जियमको ईप्रामा पहिलो विश्व युद्धअन्तर्गत बेलायती र अष्ट्रेलियाली सेना तथा जर्मन सेनाबीच यो युद्ध भएको थियो।

– सन् १९१४ सेप्टेम्बर २६ मा संघीय व्यापार आयोग ‘एफटीसी’ को स्थापना भएको थियो। सोही दिन उपभोक्ता र बजार संरक्षणको निम्ति संघीय व्यापार आयोग ऐन पनि बनाइएको थियो।

– सन् १८१० सेप्टेम्बर २६ मा उत्तराधिकारको स्वीडिश अधिनियम पारित गरिएको थियो। स्वीडेनको संविधानको भाग रहेको सो ऐन स्वीडिश शाही परिवारको उत्तराधिकारलाई नियमन गर्दछ।