काठमाडौं । प्रतिनिधिसभाबाट पारित गरिएको नागरिकता विधेयक विराेधमा राप्रपा नेपाल सम्बद्ध विद्यार्थी संगठनले काठमाडौंमा राँके जुलुस प्रदर्शन गरेको छ ।

मंगलबार साँझ नागरिकता विधेयक बुदाँहरु विवादास्पद ,अनुचित र राष्ट्रहित विपरित भएको भन्दै विद्यार्थी संगठनका नेता कार्यकर्ताहरुले राँके जुलुश निकालेका थिए ।

नागरिकता जस्तो संवेदनशिल विषयमा सरकार वेवास्ता गरेको उनीहरुको आरोप छ । नागरिकता विधेयकका कारण मुलुकको स्वाभिमान , स्वतन्त्रता र अस्तीत्व संकटमा परेकाले आफूहरु बाध्य भएको सडकमा उत्रनु परेको संगठनका अध्यक्ष चेतराज सिंहले बताए ।

विवाह गर्नसाथ कुनैपनि विदेशिले तत्काल नागरिकता पाउने नीति संसारमा कहि नभएको उनको भनाइ छ ।