काठमाडौँ– अन्य फिल्म हल झैँ न्युरोडस्थित रञ्जना सिनेप्लेक्सले साताको दुई दिन १ सय ७५ रुपैयाँमै टिकट उपलब्ध गराउने भएको छ ।
प्रत्येक बुधबार र बिहीबार मूल्यमा दर्शकले प्रदर्शन भइरहेका जुनसुकै फिल्म हेर्न पाउने भएका छन् । अघिपछि भने टिकटको मूल्य ३ सय ५० रुपैयाँ भएता पनि साताको दुई दिन भने दर्शकलाई सुविधा दिएको जनाएका छन् ।
मल निर्माण गर्न भन्दै २०६५ साल भदौमा बन्द गरिएको रञ्जना हल तेलुगू फिल्म ‘आरआरआर’ को प्रदर्शनसँगै पुनः सञ्चालनमा आएको थियो । ‘दर्शकहरुको सुविधालाई ध्यानमा राख्दै यस्तो सुविधा ल्याएका हौं,’ प्रबन्धक विनोद पौडेलले भने । गत चैत ११ देखि पुनः सञ्चालनमा आएको हलमा अहिले ‘केजीएफ च्याप्टर २’ र ‘ए मेरो हजुर ४’ प्रदर्शन भइरहेका छन् ।
प्रतिक्रिया