काठमाडौैँ– नेपाली काँग्रेस र नेकपा एमालेबीचको बैठक आज पनि निष्कर्षविहीन भएको छ ।

ओली निवास बालकोटमा बसेको बैठक बिना कुनै निष्कर्ष टुंगिएको हो ।

दुवै पक्ष आ–आफ्नै अडानमा कायमै रहेपछि बैठक निरन्तर निष्कर्षविहीन हुँदै आएको छ ।

बैठकमा नेपाली काँग्रेसका नेताहरूले एमसीसी पास गराउन साथ दिन एमालेसँग आग्रह गरेका थिए ।

जवाफमा नेकपा एमालेका नेताहरूले आफ्नो पार्टीले कारबाही गरेको १४ सांसदलाई प्रतिनिधिसभाबाट नहटाइएसम्म अर्को विषयमा कुरा गर्न नसकिने अडान यथावत् राखे ।

बैठकपछि एमाले महासचिव शंकर पोखरेलले भने, ‘संसदमा प्रवेश गर्ने बाटो सत्ता पक्षका तर्फबाट बनाउनुस् । जुन दिने हामीलाई संसदमा प्रवेश गर्ने वातावरण बनाउनुहुन्छ त्यो दिनदेखि संसदका हरेक विषयहरूमा प्रस्तुत हुन्छौँ । स्पष्ट दृष्टिकोणका साथ प्रस्तुत हुन्छौँ ।’

महासचिव पोखरेलले गबन्धनमा रहेका दलहरूलाई नै पहिला एमसीसीमा एक धारणा सार्वजनिक गर्न आग्रह गरेको बताए ।

गठबन्धनमै एमसीसीमा एक राय नभएको अवस्थामा प्रतिपक्षीले यस विषयमा बोल्नुपर्ने बाध्यता नभएको पनि पोखरेलले स्पष्ट पारे ।

https://www.facebook.com/khabarhubofficial/videos/652848819305573