आज २०७९ साल भदौ ९ गते बिहीबार । सन् २०२२ को अगस्ट २५ तारिख । आजको दिन इतिहासमा भएका केही महत्त्वपूर्ण घटनाक्रम यस्ता छन् :

सन् २०१२ अगस्ट २५ मा चन्द्रमामा पहिलो पाइला राख्ने पहिलो मानिस निल आम्स्ट्रङको निधन भएको थियो । ८२ वर्षको उमेरमा मुटुको शल्यक्रिया भएको केही हप्तापश्चात् उनको मृत्यु भएको थियो ।

सन् २०१२ अगस्ट २५ मा नासाको ‘भोयेजर १’ इन्टरस्टेलर स्पेसमा प्रवेश गर्ने पहिलो अन्तरिक्ष यान बनेको थियो । भोयरजर १ ले सूर्यबाट करिब १८ अरब किलोमिटरको दुरी पुरा गरेको थियो ।

सन् १९९१ अगस्ट २५ मा माइकल शूमाकरले फर्मुला वान रेसमा आफ्नो डेब्यू गरेका थिए । स्पा फ्रान्कोरच्याम्पस्मा आयोजना भएको बेल्जियम ग्रान्ड प्रिक्समा शूमाकरको  पहिलो रेस बन्यो ।

सन् १९९१ अगस्ट २५ मा बेलारुसले यूएसएसआरबाट स्वतन्त्रता प्राप्त गर्‍यो ।

सन् १९८९ अगस्ट २५ मा जापानी वातावरण एजेन्सीका पूर्व प्रमुख मायुमी मोरियामा जापानको पहिलो महिला क्याबिनेट सचिवमा नियुक्त भइन् ।

सन् १९८१ अगस्ट २५ मा ‘भोयेजर २’ स्पेसक्राफ्ट शनि ग्रहको निकट पुगेको थियो ।

सन् १९८० अगस्ट २५ मा जिम्बाब्वे संयुक्त राज्यको सदस्य बनेको थियो ।

सन् १९४४ अगस्ट २५ मा पेरिस नाजी अतिक्रमणबाट मुक्त भएको थियो । सन् १९४० मा नाजीले पेरिसलाई अतिक्रमण गरेको थियो ।

सन् १८३५ अगस्ट २५ मा ‘द ग्रेट मुन होक्स’ को पहिलो श्रृंख्ला ‘द न्यूयोर्क सन’ मा प्रकाशन भएको थियो । सो श्रृंख्लामा चन्द्रमामा भएको सभ्यताको खोजको विषयमा उल्लेख गरिएको थियो ।

सन् १८२५ अगस्ट २५ मा उरुग्वेले ब्राजिलियन साम्राज्यबाट स्वतन्त्र भएको घोषणा गरेको थियो । सो घोषणा गरे तापनि ब्राजिलियन साम्राज्यले सन् १९२८ मा गरेको ‘मोन्टेभिडियो सन्धी’ ले मात्र उरुग्वेको औपचारिक स्वतन्त्रता मान्य भएको थियो ।