काठमाडौँ- गीतकार भमा देवकोटा शर्माको रचना, विष्णु तामाङको संगीत र गायक स्वरूपराज आचार्यको स्वरमा ‘खोजी हिँडेको’ बोल रहेको गीतको भिडियो सार्वजनिक भएको छ । ‘अनुनय’ एल्बममा संग्रहित गीतमा प्रमोद शर्मा, अमृता श्रेष्ठले अभिनय गरेकी छन् ।

वसन्त सापकोटाको निर्देशनमा तयार भएको भिडियोमा समाजमा विकराल रूपमा रहेको बलात्कारको घटनालाई उठाउन खोजिएको छ । भिडियोमा दिनेश पराजुलीको छायांकन, उत्तर राना मगरको कलर र सम्पादन रहेको छ ।

भमा पेशाले चिकित्सक हुन् र उनी अमेरिकामा बस्छिन् । आफ्नो कार्य क्षेत्र अमेरिका नै भएता पनि फुर्सदमा उनी कलम चलाउँछिन् र आफूले रचेका रचनाहरूलाई गीतको रूप दिने गरेकी छन् ।