काठमाडौँ- अभिनेता सौगात मल्लले आफूले पाएको भूमिकालाई जीवन्त रुपमा निर्वाह गर्छन् । उनको अभिनयको चर्चा बेलाबखतमा हुने गर्छ ।

कहिले कहीँ ‘टाइप कास्ट’ को आरोप समेत खेप्ने सौगातलाई ‘हाकु काले’ को रुपमा दर्शकले चिन्छन् । ‘लूट’ पश्चात् सौगातको बढेको गति रोकिएको छैन । यद्यपि उनले सफलता पाएको फिल्मको सङ्ख्या निकै कम छ ।

यस विषयमा सौगात क्लियर छन् । ‘मैँले आफूले पाएको भूमिकालाई निभाउने हो । त्यसलाई राम्रो बनाउन मेहनत गर्ने हो । बाँकी बिजनेसको हिसाबकिताब म बुझ्दिन’ सौगातले भने । उनलाई फिल्मले गर्ने कमाइ भन्दा पनि पाउने प्रतिक्रियाको चासो हुन्छ । ‘मैँले बुझ्ने भनेको आफूले पाउने क्यारेक्टरमा गरेको काम नै हो । व्यापार त कलाकारले बुझ्ने होइन’ सौगातले भने । ‘मलाई त काम गर्न प्यारो लाग्छ ’ उनले भने ।

 सौगात अभिनीत फिल्म ‘कबड्डी ४ : द फाइनल म्याच’ आउँदो शुक्रबारबाट प्रदर्शनमा आउँदैछ।