धर्मशास्त्र र ज्योतिषमा सपना र घटनालाई शुभ–अशुभ मानिन्छ । यस्तै जीवजन्तुबाट प्राप्त हुने संकेतका बारेमा समेत बताइएको छ । घरमा केहि जीव देखा पर्दा वा ती जीवका खास व्यवहारले जिन्दगीमा राम्रो र नराम्रो दुवै संकेत प्रदान गर्छन् ।

वास्तुशास्त्र अनुसार यदि घरमा चमेरा आए यसलाई राम्रो संकेत मानिदैन । यस्तोमा चमेरा घरमा आए कैयौँ समस्या आउने र धनको हानी हुने संकेतका रुपमा समेत लिइन्छ । यस अलावा चमेरा आएको घरमा नकारात्मकता फैलने र परिवारबीच झगडा हुने मान्यता छ ।

घरमा चमेरा आउनु अशुभ खबर प्राप्त हुने पूर्व संकेत समेत मानिन्छ । साथै परिवारका सदस्य गम्भीर बिमारी पर्न सक्ने संकेत मानिन्छ । तसर्थ घरमा चमेरा आए सर्तक हुन आवश्यक हुन्छ ।

यदि बारम्बार घरमा चमेरा आइरहे धन सम्बन्धी समस्या हुने संकेत मानिन्छ । तसर्थ यस्तो बेला सर्तक हुन वास्तुको सुझाव छ । अन्यथा ऋण डुब्न समय नलाग्ने मान्यता छ । तथापि घर भित्रिएको चमेरालाई हानी पुर्‍याउनु हुँदैन यसलाई आरामपूर्वक घर बाहिर जान दिनुपर्छ ।

यदि अचानक शरीरमा चमेरा खसेमा यो कुनै अशुभ घटनाको संकेत मानिन्छ । यस्तो स्थितिमा नुहाएर इस्ट देवको आराधना गर्नुपर्ने र सम्भव भएसम्म मन्दिर जाने र गरिबलाई दान गर्नुपर्ने मान्यता छ ।