काठमाडौँ– बेलायतका नयाँ राजा चार्ल्स तृतीयले आफ्नो तबेलामा रहेका १४ घोडा बेच्ने भएका छन् । राजा चार्ल्सले आफ्नी आमा स्वर्गीय महारानी एलिजावेथ द्वितीयबाट प्राप्त १४ घोडा बेच्ने निर्णय गरेको बीबीसीले जनाएको छ ।
बेलायतको राजधानी लण्डनस्थित न्युमार्केटमा रहेको टाटेरसल्स लिलामगृहले महारानीका १४ घोडा लिलाम गर्ने जनाइएको छ । टाटेरसेल्सका प्रवक्ताले यसलाई सामान्य रुपमा लिइएको जनाएका छन् ।
‘उनीहरुले हरेक वर्ष घोडा बेच्ने गर्छन् ।’ टाटेरसेल्सका प्रवक्ता जिम्मी जर्जलाई उद्धृत गर्दै बीबीसीले जनाएको छ ।
पूर्वमहारानी घोडाको सौखिन मानिन्थिन् । उनी घोडादौड प्रतियोगिताहरुमा पनि भाग लिने गरेकी थिइन् । उनी आफैँ पनि घोडसवारीमा पोख्न मानिन्थिन् ।
प्रतिक्रिया