काठमाडौँ- वैदेशिक रोजगार बोर्डका नवनियुक्त कार्यकारी निर्देशक डा. द्वारिका उप्रेतीले वैदेशिक रोजगार क्षेत्रलाई थप मर्यादित बनाउने बताएका छन्।

बुधबार काठमाडौँमा कार्यभार सम्हाल्दै उप्रेतीले वैदेशिक रोजगारका लागि गएकाहरूलाई सहज हुने गरी यस क्षेत्रलाई थप मर्यादित बनाइने बताएका हुन् ।

उनले देशको विकासका लागि युवा जनशक्तिलाई स्वदेशमा नै परिचालन गर्नुपर्ने भएकाले सधैँका लागि वैदेशिक रोजगारलाई प्रवर्द्धन गर्ने कुरा उचित नहुने बताए। उप्रेतीले कर्मचारी, राजनीतिक दलहरू र सरोकारवालाहरूलाई उदाहरणीय काम गरेर देखाउने र सबै कर्मचारीहरूको सहयोग आवश्यक रहेको धारणा राखे।

यसअघि बसेको मन्त्रीपरिषद् बैठकले बोर्डको कार्यकारी निर्देशकमा उप्रेतीलाई नियुक्त गरेको थियो ।